دووەم پێشانگەها ئارکی تێک ئێکسپۆ

⁨ ل ڕێکەفتی (٧-٥-٢٠٢٦) ڕۆژا (پێنج شەمبی) ل ژێر چاڤدێریا زۆر بەرێز (دیار بحری رسول) ڕێڤەبەرێ گشتی یێ باژێرڤانیان ل پارێزگەها دهۆکێ، ب ئامادەبوونا زۆر بەرێز (وێران عبدالعزیز طاهر) وەبەرهێنەرێ دامەزراوەیێن پەروەردەیی و میدیایی ل پارێزگەها دهۆک و ئیدارەیا سەربەخۆ یا زاخۆ و بەرپرسێ لقا دەوروبەرێن دهۆکێ یا ئێکەتیا قوتابی و لاوێن دیموقراتا کوردستانێ زور بەرێز (ئارمانج عبدالعزیز طاهر) و چەندین بەرپرس و ڕێڤەبەر و ڕاگرێن دامودەزگەهێن ئەکادیمی و پیشەیی و میری و حزبی، دووەم پێشانگەها (ئارکی تێک ئێکسپۆ) هاتە پێشاندان ل ئامادەییا پیشەیی یا ڤیا یا نا حکومی ل دهۆکێ.

مە شانازی ب دیتنا بەرهەم و داهێنانێن قوتابیێن خۆ کر. ئەو پرۆژەیێن ئەڤرۆ هاتینە پێشاندان، نە بتنێ چەند دیزاین بوون، بەلکو ئەنجامێ کارێ بەردەوام و زانستێ سەردەمیانە و هزرێن گەش یێن ئەندازیاری بوون.
د ئەڤێ پێشانگەهێ دا، قوتابیان زانستێ تیۆری و خواندنا پولێ ب شێوەیەکێ پراکتیکی و پیشەیی وەرگێڕابوو سەر پرۆژەیێن بەرچاڤ یێن بیناسازی و تەکنۆلۆژی. هەروەسا ژبۆ بلندراگرتنا ڤان شیانان و هاندانا پتر یا قوتابیان، لیژنا پیشەیی یا (ڤیا) هەلسەنگاندن بۆ پرۆژەیان کر و خەڵات ب سەر خودانێن (باشترین پرۆژە) دا دابەشکرن.
ئەڤ پرۆژەیە سەلماندنا وێ چەندێ نە کو قوتابیێن مە پێنگاڤێن مەزن بەرەڤ بازاڕێ کاری و داهێنانێ هاڤێتینە. ئەڤ قوتابییە داهێنەر و ئاڤاکەرێن پاشەڕۆژا ڤی وەلاتی نە.⁩⁩
سۆپاس بو کۆمپانیا (پلنگ ئێنێرجی) ژبو بەژداربوونا جەنابێ وان